ခရီ……

ငါရို့မြောက်ဦးကို
ပြာပုံဖြစ်အောင်
မှိုင်းထိုးထားကတ်စွာ
ဇာဝဋ်ကြွီးတိက
လီတိုက်ခံပနာ
ရွှင့်ကျလာရေ
အကုသိုလ်တိလည်း။

မြောက်ဦးနန်းတော်
ပန္နတည်ရေ
မင်းစောမွန်းသွီးတိ
ထိုတစ ဒေတစနန့်
ဇာတိဖြစ်နီလေမသိ
ငါရို့လူသားတိ။

ငါရို့သိက္ခာ
ငါရို့ဝိဥာဏ်
ငါရို့အသက်
ငါရို့သွီးကြော
ငါရို့ရင်ဘတ်
ငါရို့ထိပ်ပြင်တိမှာ
မာရယုတဇိတ်ခတ်ထားစွာ
သတိပင် မမှုကတ်ယာလား။

ခိုးစားလို့
ခွီးဟောင်းခံရစွာက
အဟောင်းခံရပိုက်စီဖိ
ခွီးပိုင်ရှင်ကိုယ်တိုင်
စို့တိုက်ခံရစွာတော……။

မာရယုနှလုံးသားက
စီးဆင်းလာရေ ငါရို့တိ
ဓညဝတီ ရီစီးကြောင်း
ဝေသာလီ ရီစီးကြောင်း
လေးမြို့ ရီစီးကြောင်း
မြောက်ဦး ရီစီးကြောင်း
ယင်းရီစီးကြောင်းတိ ကျယ်ပြန့်အောင်
တိုးချဲ့လားဖို့တွက်
ငါရို့ခရီဆက်ရဖို့သိ…။


ထွန်းလင်းစိုး
http://arakanpoemgarden.blogspot.com/