(RNDP)ပါတီနန့် ရခိုင်ပြည်သူတိဘားကို တိုင်ကြားစာ

သို့....
အေဒီတာ
လေးဝတီသတင်းဌါန
အေဒီတာ
(DVB)ရခိုင်အစီအစိုင် အသံလွှင့်ဌါန
ဥက္ကဌ
(RNDP)ရခိုင်တိုင်းရင်းသားတိုးရက်ရေးပါတီ(ရခိုင်ပြည်)နန့်
ဥက္ကဌ
ရခိုင်ပြည်လူ့အခွင့်ရီးစောင့်ရှောက်ရီးအသင်းတိအားလုံးလေးစားစွာနန့် စာရီးလိုက်ပါရေ။ နိုင်ငံတော်ကို အုပ်ချုပ်သူတိနန့် ရခိုင်ပြည်သူတိ အားလုံးကိုလေးဝတီသတင်းဌါနက တဆင့်တင်ပြဖြန့်ချီ ပီးဘာလို့ တောင်းပန်လိုက်ပါသည်ရခိုင်ပြည် ကျောက်ဖြူမြို့ နယ် ဇင်ကျွန်းကျေးရွာမှာ ဒေဂုလက်ဟိ ကျေးရွာအုပ်ချုပ်ရေးမှူးဦးထွီးချေဆိုသူရေ နိုင်ငံတော်သမတ ဦးသိန်းစိန် ကျမ်းသစ္စာမကျိမ်ဆိုခင် တရက်လောက်(၂၉-၃-၂၀၁၁)အလိုမှာ ကိုယ်အိမ်ရှိက မိုးထစောစော (၇)နာရီတိတိ နိုင်ငံတော်အလံကိုလွှင့်လို့ ကျေးရွာသားတိရှေ့ က ငါရေ ဒေအချိန်ကစလို့ ဒေရွာမှာ ကျေးရွာအုပ်ချုပ်ရေးမှူးအဖြစ် မြို့ နယ်အထက်အရာရှိတိပါးမှာ ငွေ(၁၅)သိန်းပီးလို့ ငါ့ကိုခန့်အပ်လိုက်ဗျာယ်ဇာသူတယောက်လည်း ဖြူတ်ချလို့မရဗျာယ်လို့  ရွာသားတိကိုခြိမ်းခြောက် အတင်းအားဓမ္မကျေးရွာအုပ်ချုပ်ရေးမှူး လုပ်နိန်ရေလူတယောက်ဖြစ်ပါရေ၊
ဇင်ကျွန်းကျေးရွာအုပ်စု အုပ်ချုပ်ရေးမှူး ဦးထွီးချေရေ အုပ်ချုပ်ရေးမှူးမဖြစ်ခင်ကပင် မြို့နယ်တရားးရုံးမှာ ရာဇ၀တ်ပြစ်မှုနန့် တရားရင်ဆိုင်နိန်ရလူဖြစ်တင်မက ကျေးရွာလူထုရို့့့ကြည်ညိုလေးစားလူမဟုတ်ခြင်း၊ ကျေးရွာလူထုက တင်မြှောက်ထားလူမဟုတ်ခြင်း၊ ဒေဂုလက်ဟိမှာလည်း အမှုတိနန့်  တရားရင်ဆိုင်နိန်ပြီးကေ အုပ်စုအားကိုး အာဏာအားကိုးနန့် လူမိုက်ဆန်ဆန် ပြစ်မှုတိကိုကျူးလွန်နိန်ခြင်း၊ ကျေးရွာအုပ်စု အုပ်ချုပ်ရေးမှူး၏ ဆွေမျိုးတိမှာ ကျေးရွာအတွင်း အရက်သောက် မူးယမ်းလို့ ကျေးရွာဟိ ကျောင်းထိုင်ဆရာတော်၊ ဂေါပကလူကြီးတိနန့် ရွာသူရွာသားတိကို သတ်ပစ်ဖို့ ဓားနန့် ခွတ်ဖို့ ထိုးပစ်ဖို့ လောက်လေးဂွနန့်ပစ်ဖို့လို့ ဆူပူ ခြိမ်းခြောက်ခြင်း၊ထောင်ချပစ်ဖို့ အမြဲတန်း ခြိမ်းခြောက်ပြောဆိုလိှု့ဟိပါသည်။ ယင်းနောက် ကျေးရွာတွင်းမှာ နည်းအမျိုးမျိုးနန့်ငွေရှာနိန်
ဘာရေ၊ ငွေရှာနိန်စွာမှာ အမှုအမျိုးမျိုးတပ်ဆင်ပြီး ငွေတောင်ယူခြင်း၊ (၃-၆-၂၀၁၁) နိန့်က မြန်မာ့စိုက်ပျိုးရေးဘဏ်က တောင်သူတိကို ကောက်စိုက်ချေးငွေထုတ်ချေးစွာမှာ စိုက်ပျိုးရေးဘဏ်က ချေးငွေထုတ်လာသူ တောင်သူ တယောက်ကို ငွေ-(၆၀၀၀)စီကို မပီးမနိန်ရ အတင်းအားဓမ္မ တောင်းခံပါသည်၊ ယင်းပိုင် ငွေတောင်းရာမှာ ကျေးရွာစာရေး ဦးစံရွှေလည်းပါဝင်ပါသည်။
ကျေးရွာအုပ်စု အုပ်ချုပ်ရေးမှူး အဖြစ်နန့် အတင်းအားဓမ္မ ငွေတောင်းခြင်းကို( ၇-၆-၂၀၁၁)
နိန့်က ငွေပီးရလူ တောင်သူတိနန့် ကျေးရွာဂေါပကလူကြီးတိက ပြည်နယ်ဝန်ကြီးချုပ်နန့် မြို့နယ် တာဝန်ဟိလူကြီးတိကို တိုင်ကြားဂတ်တေခါ မြို့နယ်စိုက်ပျိုးရေး မန်နေဂျာ ဦးစံညွန့် ဂေါင်းဆောင်ရေ စစ်ဆီးရေး အဖွဲ့က နှစ်ဦးနှစ်ဖက် စစ်ဆီးရေအခါ တိုင်ကြားစာပါ အကြောင်းအရာတိကို ကျေးရွာအုပ်စုအုပ်ချုပ်ရေးမှူး ဦးထွီးချေက ခိုင်လုံစွာ မဖြေရှင်းနိုင်ခပါ၊ ယင်းကိစ္စကို မြို့နယ်က တာဝန်ဟိ လူကြီးမင်းတိက တစ်စုံတရာ အရေးယူဆောင်ရွက်ခြင်းမဟိခပါ။
ကျေးရွာအုပ်စု အုပ်ချုပ်ရေးမှူး ဦးထွီေးချမှာ ပြစ်မှုကျူးလွန်ခကေလည်း အရေးယူမခံရရေအတွက် ပိုလို့ဆိုးသွန်းလာပါရေ၊ နောက်ထပ် (၂၃-၇-၂၀၁၁) နိန့် ညအချိန်မှာ ဇင်ကျွန်းကျေးရွာနိန် ဦးအောင်ေ၇ွှသန်းဆိုသူကို ကျေးရွာအုပ်ချုပ်ရေးမှူး ဦးထွီးချေက သားဖြစ်သူ အောင်သန်းဦး၊ အောင်သန်းရင်၊ ယောက်ဖဖြစ်သူ သန်းမောင်ရို့ က ဓားနန့်ဝိုင်းလို့ ထိုးဂတ်ပါရေ အထိုးခံရလူ ဦးအောင်ရွှေသန်းမှာ နောက်ကုန်းမှာ ဓားထိုးဒါဏ်ရာ(၃/၄) ချက်နန့် ကျောက်ဖြူ ပြည်သူ့ဆေးရုံကြီးမှာ အတွင်းလူနာ အဖြစ်ကုသခံနိန်စိုင် အမှုအမျိုးမျိုးဆင်လို့ ထောင်ချပစ်ဖို့လို့ ခြိမ်းခြောက်တေ အတွက် ရဲစခန်းမှာ အမှုမဖွင့်ဝန့်ခဂတ်ပါ။ထပ်လို့
(၃-၁၁-၂၀၁၁) နိန့်က ဇင်ကျွန်းကျေးရွာနိန် ဦးမောင်ဝေဒေါင်းဆိုသူကိုလည်း သူ့အိမ်မှာ သူအိပ်နိန်ခါ ဒေါ်အေးစိန် အသက်(၈၀)ကျော် ဝါကြီးမတယောက်နန့် ကာယကံမြောက် ပြစ်မှုကျူးလွန်ရေလို့ မတရားစွပ်စွဲပါရေ၊ယေပြီးကေ ဦးမောင်ဝေဒေါင်းဘားက ခြောက်လို့ ငွေ(၂၅၀၀၀၀) တောင်းယူလိုက်ပါရေ၊ယင်းနောက်ငွေယူလို့မကျီ လူရှိမှာ အမှုစစ်ဆီးရေအခါ ဒေါ်အေးစိန်က ဦးမောင်ဝေဒေါင်းရေ အကျွန့်ကို တစ်စုံတစ်ရာ ပြစ်မှု မကျူးလွန်ခလို့ စစ်ဆီးထွက်ဆိုလို့ ဦးမောင်ဝေဒေါင်းကို မကျေနပ်နန့် လွှတ်ပီးခပါရေ(၆-၂-၂၀၁၂) နိန့်က ကျေးရွာအုပ်စု အုပ်ချုပ်ရေးမှူး ဦးထွီးချေ၊ ဦးကျော်သန်းမောင်၊ ဦးသာအေးကျော်၊ ဦးလှထွန်းနုရို့ အဖွဲ့က ဦးကျော်သန်းမောင်ရေ လမ်းထက်မှာ ဒေါ်မသိန်းဦးဆိုရေ အမျိုးသမီးတယောက်ကို
လက်နန့် ဆွဲသတ်ခါ ညီမဖြစ်သူ ဒေါ်မသိန်းနုက ဟန့်ခီရေ အတွက် ဒေါ်မသိန်းနုကို ကျေးရွာအုပ်စု အုပ်ချုပ်ရေးမှူး ဦးထွီးချေက လက်ဆွဲလို့ ပါးကိုသတ်ခပါရေ။ ယင်းပိုင်သတ်စွာမှာ ဦးသာအေးကျော်၊ ဦးလှထွန်းနုတို့လည်းပါဝင်ပါသည်။
အစိုင်ကြီးကျွန်းစိုင် ဇင်ကျွန်းကျေးအုပ်စုဝင် မျှိုင်ချောင်းကျေးရွာနိန် ဦးချီးလူးခိုင်၏ ခွဲသစ်တိကို အကြောင်းအမျိုးမျိုးပြလို့ (၂၅-၁-၂၀၁၂)ရက်နိန့််က လားလို့ ဖမ်းဆီးခပါရေ၊ ယင်းပိုင် ဖမ်းဆီးဗျာယ် ငွေ(၅၀၀၀၀) တောင်းယူပြီး ပြန်လွှတ်ပီးခပါသည်။ ကျေးရွာမှာလည်း ကျေးရွာအုပ်စု အုပ်ချုပ်ရေးမှူးပါးက ထောက်ခံစာတောင်းကေ တစောင်ကို ငွေ (၅၀၀၀) ယူခြင်း။ ကျေးရွာတွင်း အရက်ဆိုင် တဆိုင်ကို (၁)လ ငွေ(၅၀၀၀)စီ တောင်းယူကောက်ခံ လို့ တရားမ၀င် အရက်တိကို ရောင်ချခွင့်ပြုထားခြင်း။ ကျေးရွာအုပ်စု အုပ်ချုပ်ရေးမှူးအဖွဲ့က ဆယ်အိမ်မှူးတိကို အရက်ဆိုင်ဖွင့်ရောင်းချစီခြင်း၊ ကျးရွာအုပ်စု အုပ်ချုပ်ရေးမှူးကိုယ်တိုင် နိန့်တိုင်း အရက်သောက်စား မူးယစ်ခြင်း၊မိမိထင်ရာ လုပ်ချင်ပိုင်လုပ်နိန်ခြင်း၊
ကျေးရွာအုပ်စု အုပ်ချုပ်ရေးမှူး ဦးထွီးချေနန့် အပေါင်းပါ(၅)ယောက်ရို့ မှာ ကျေးရွာအုပ်စု အုပ်ချုပ်ရေး၏ လုပ်ပိုင်ခွင့်ကို အခွင့်အရေးယူလို့ ကျေးရွာတွင်းမှာ ဆားကွင်းမဟိဘဲ ဆားကွင်း ဟိရေ ဆိုဗျာယ် မြို့ နယ်မြီစာရင်းရုံးကလူနန့်ပေါင်းလို့ နိုင်ငံပိုင်ဘဏ္ဍာငွေတိကို လိမ်လည်ထုတ်ယူပြီး အခြားလုပ်ငန်းတိကို လုပ်ကိုင်နိန်ပါရေ၊ ဇင်ကျွန်းကျေးရွာအုပ်စုမှာ(၂၀၁၂ )ခုနှစ်အထိ ဇာသူတယောက်လေး ဆားလုပ်ငန်း လုပ်ကိုင်သူလုံးဝ(လုံးဝ) မဟိပါ။
ဇင်ကျွန်းကျေးရွာအုပ်စု အုပ်ချုပ်ရေးမှူး ဦးထွီးချေမှာ ဇင်ကျွန်းကျေးရွာသူ/သားတိ ရွေးချယ် တင်မြှောက်ထားသူမဟုတ်ခြင်း၊ ကြည့်ညိုလေးစားသူ မဟုတ်ခြင်း၊ စာပီပညာအရာ၌ လူနာမည်တောင်မှ အမှန်ရီးနိုင်သူ မဟုတ်ခြင်း၊ ကျေးရွာ၏ ကျန်းမာရေး၊ ပညာရေး၊ လူမှုရေး၊ စရေ ကိစ္စတိကို စိတ်ဝင်စားသူ မဟုတ်ခြင်း၊ စရေအကြောင်းတိကြောင်း အိမ်ခြေ(၂၀၀၀)ကျော်နိန်ထိုင်ရေ ဇင်ကျွန်းကျေးရွာမှာဖွံ့ဖြိုးတိုးတက်မှု အလွန်တရာမှ နောက်ကျလို့ဟိ နိန်ပါသည်။ ယင်းကြောင်း နိုင်ငံတော်ကို အုပ်ချုပ်နိန်ရေ ရခိုင်တိုင်းရင်းသားတိုးတက်ရီးပါတီက လူကြီးမင်းတိ ဇင်ကျွန်းကျေးရွာနိန် ပြည်သူတိကို သနားငဲ့ညှာရေ အနိန်နန့် မတရားအားဓမ္မ နိုင်ထက်စီးနင်း အုပ်ချုပ်နိန်ရေ ကျေးရွာအုပ်စု အုပ်ချုပ်ရေးမှူး အဖွဲ့ကို ချက်ချင်း အရေးယူဆောင်ရွက်ပီးပါရန် လေးဝတီသတင်းဌါနကတဆင့် အသနားခံတိုင်ကြားအပ်ပါသည်။


by Yoe Thar on Tuesday, March 27, 2012